Eshtë bërë shpejt realitet ajo që synonte kryeministri Rama teksa mbronte rindërtimin e stadiumit të ri kombëtar, dje “Qemal Stafa” e sot “Air Albania”: aty do luhet një finale europiane.
Fjala është për finalen e parë të një tjetër kompeticion të UEFA-s, e cila do emërtohet si Liga e Konferencës Europiane (ECL).
Ky turne do të fillojë me kualifikimet në verën e vitit 2021, dhe 32 klube do të luajnë në garën e grupeve.
Ky është gara e tretë për klube e organizuar nga UEFA për sa i përket forcës, menjëherë pas Champions League dhe Europa League, dhe fituesi i asaj kësaj gare të re do të fitonte të drejtën për të marrë pjesë në Europa League.
Para garës në grupe, do të mbahen tre raunde kualifikuese dhe një fazë play-off.
Fituesit e grupeve do të kalojnë në fazën e 16-të, ndërsa vendet e dyta dhe vendet e treta nga grupet do të luajnë playoff-in për vendet e mbetura në raundin e 16-të.
Do të mbahet një short i veçantë ku klubet që përfunduan të dytët në grupet e tyre do të luajnë kundër njërit prej të tretëve të vendosur nga grupet e tjera.
Fituesit e këtyre ndeshjeve do të shkojnë në çerekfinale të ECL.
Vetëm klubet nga 15 ligat më të forta evropiane do të marrin pjesë në kualifikimet për Europa League.
Liga e Konferencës do të ndajë rreth 240 milion euro, që është rreth dy herë e gjysmë më pak se Europa League.
Dhe finalja e parë pra do të jetë në Tiranë më 25 maj 2022, në “Air Albania”, e cila akomodon 21,690 spektatorë.
Kujtojmë se Rama thoshte pikërisht këtë kur bënte avokatinë e stadiumit të ri përballë kritikëve; ofrimin e mundësive që në Shqipëri të luheshin një ditë finale europiane. /tesheshi.com/
