Reali i Madridit nuk do të presë verën për të forcuar sulmin. Pas disfatës ndaj Barcelonës dhe vërshëllimave të publikut ndaj Benzema, presidenti Perez nuk ka ndërment të merret me shanset që i duhen dhënë francezit, por do ta hapë qesen për një sulmues të ri.
Benzema nuk mbahet mend që kur ka shënuar, e ndoshta pas janarit, do të provojë “ftohtësinë” e stolit. Milionat nuk do të kursehen dhe objektivat janë dy sulmues argjentinas, me raport shumë të mirë me golin, Mauro Icardi i Interit dhe Sergio Aguero i Manchester City. Kapiteni i Interit është dëshirë e përhershme e Perez, por para pak kohësh ka rinovuar me klubin zikaltër dhe është shndërruar në flamur të skuadrës. Për më tepër, është betuar për besnikëri ndaj Interit.
Nëse Reali do ta kërkojë, duhet të shtojë zerot në ofertë, e duhet të gjejnë formën që t’a bëjnë sulmuesin të shkelë betimin. Mbase disi më e thjeshtë është pista Aguero, pasi sulmuesi i City-t, jo gjithnjë është pjesë e formacionit të Guardiolës. Megjithatë argjentinasi vijon të shënojë në mënyrë konstante dhe i duhet shumë klubit për të prerë suksesshëm shiritin e fituesit në fund të garës për titull në Premier League. /tesheshi.com/
