Pas CSKA-së së Moskës dhe Fenerbahçes, është Reali i Madridit që siguron një vend në finalet e majit që do të luhen në Stamboll.
Skuadra madrilene arriti për herë të pestë në shtatë sezonet e fundit në Final Four, pasi i fitoi të dy ndeshjet e fundit në Stamboll ndaj Darushafakasë.
Dy takimet e para në kryeqytetin spanjoll e patën sjellë serinë e përplasjes mes Realit dhe Darushafakasë në shifrat 1-1. Reali fitoi më së pari 81-88 në mbrëmjen e 26 prillit ndaj pritësve të Drushafakasë, për të fituar dhe mbrëmë 78-89.
Seria 3-1 e ndeshjeve i jep të drejtë Realit që ta kërkojë titullin në pjesëmarrjen në Final Four.
E vetmja pikëpyetje që ka mbetur është ajo në do shkojë në finale Anadollu Efes apo Olimpiakosi, me grekët që kanë faktorin fushë tashmë në favor të tyre.
Olimpiakosi fitoi 62-74 mbrëmë ndaj Anadollu Efesit në “Abdi Ipekci Arena”; një fitore që e sjell përballjen në ekuilibër të plotë, 2-2.
Në avantazh të Olimpiakosit është fakti se ndeshja e fundit do të luhet në Athinë, më 2 maj. /tesheshi.com/
