Real Madrid dëshiron të fitojë një minimum prej 200 milion eurosh këtë dimër për të vendosur në rregull financat.
Në prag të këtij sezoni, Real bleu Eden Hazard, Luka Joviç, Eder Militao, Ferland Mendy dhe Rodrygo Goes, dhe këta i kushtuan 350 milion euro, ndërkohë që nga shitja e Marcos Llorente, Keylor Navas, Raul de Tomas, Mate Kovaçiç dhe Theo Hernandez kanë fituar 150 milion.
Klubi dëshiron ta mbyllë këtë “vrimë” prej 200 milion eurosh në mënyrë që të mos futen në telashe financiare në La Liga dhe UEFA.
Real ka në plan të fitojë mbi 200 milion euro këtë dimër, dhe do ta bëjnë këtë duke shitur katër lojtarë.
Që marsin e kaluar, trajneri i Zinedine Zidane ka përzgjedhur katër emra.
Njëri prej tyre është Gareth Bale i cili ka patur fërkime me Zidane dhe i cili po tregon gjithnjë e më shumë mosrespektim ndaj klubit. Ai duhej të ishte larguar këtë verë, por mbeti pasi nuk pati të interesuar për të.
Real do të përpiqet ta shesë përsëri këtë dimër.
Përveç Bale, në shitje është edhe James Rodriguez, i cili dëshiron të qëndrojë në Real Madrid me të gjitha fuqitë e tij, por në klub ai kaloi ca kohë në huazim te Bayern, klub që nuk e mbajti.
James është me vlerë 50 milion euro sipas Transfermark.
Dy të tjerët janë Mariano dhe Brahim Diaz, që të me pritshmëri të mëdha në klub por pa rezultat.
Eshtë pra kjo katërshe me të cilët Real kërkon të fitojë 200 milion euro. /tesheshi.com/
