Reali i Madridit ka reaguar në mënyrën e duhur një ditë pasi Barcelona fitoi ndaj Atletikos së Madridit. Tashmë me një tjetër fytyrë me francezin Zinedine Zidane në krye të stolit, madrilenët nuk u ndahen rezultateve pozitive javë pas jave.
E njëjta gjë ka ndodhur mbrëmë, pasi Espanjoli nuk është kursyer aspak në urinë e lojtarëve të Realit për sukses.
6-0 ka përfunduar përballja në “Santiago Bernabeu”, me një tregolësh nga Ronaldo, me një gol nga Benzema e James Rodriguez, e me një autogol nga Duarte. Një epërsi e padiskutueshme e Realit të Madridit, e materializuar me një rrebesh golash.
“Mbretërit” tani ndodhen vetëm katër pikë larg blaugranasve, që e udhëheqin të vetëm kampionatin, e veç kësaj kanë dhe një ndeshje tjetër për të luajtur. /tesheshi.com/
