Rezultati 3-0 për Realin e Madridit ndaj Alavesit nuk reflekton atë çka ngjau në fushë, nga ku miqtë mund të kishin dalë fare mirë me më së paku një pikë.
Me një formacion me shumë ndryshime në mbrojtje, Reali u përball me një Alaves të vendosur këtë pasdite në “Santiago Bernabeu”. Fati në momente të caktuar të lojës u buzëqeshi vendasve, që realizuan atëherë kur duhej.
Benzema do të shënonte së pari në minutën e 31-të; një gol që mund të ishte anuluar për një pozicion jashtë loje të francezit në nisje të sulmit.
Dy golat e tjerë do të vinin shumë vonë, në minutën e 85-të dhe të 88-të, me shënues Isco-n e Nacho-n.
Fitorja e çoi në pesë pikë diferencën e Realit kryesues me Barcelonën ndjekëse, që luan në mbrëmje në transfertë ndaj Granadës, ekipit të parafundit në renditje.
Bashkë me fitoren, Reali e çoi në 50 numrin e ndeshjeve të njëpasnjëshme ku ka shënuar më së paku një gol; një rekord më vete ky. /tesheshi.com/
