Neymar Neymar, por Mbappe “bën kërdinë” në merkato. Sipas së përditshmes spanjolle “Marca”, francezi 19-vjecar ka mbyllur “në parim” marrëveshjen që e bën lojtar të Realit të Madridit.
Sipas të dhënave mediatike, bëhet e ditur se për sulmuesin francez është marrë edhe pëlqimi i ekipit të tij, Monaco.
Ky transferim është bërë mbi bazën e 180 milion eurove, prej të cilave rreth 150-160 milion si pjesë e kontratës, ndërsa 20-30 milion të tjera si bonus, në bazë të resultateve. Për vetë Mbappe, kontrata do të jetë 6-vjecare, me përftimin e 7 milion eurove në sezon e mundësi rishikimi të saj.
Në këtë mënyrë, deri tani, Mbappe si lojtari i datëlindjes 1998, është futbollisti më i shtrenjtë në botë, mbase derisa të përfundojë “telenovela” Neymar.
Reali i Madridit dhe trajneri Zidane, kanë bërë në këtë mënyrë zgjedhjen e tyre për sulmuesin e talentuar, i cili sezonin e kaluar shënoi 26 gola, prej të cilave 6 vetëm në Champions League. /tesheshi.com/
