Kancelari gjerman Olaf Scholz u shfaq sot si një… pirat për të siguruar bashkëqytetarët e tij se është në gjendje të mirë shëndetësore pasi u plagos gjatë vrapimit të shtunën.
Kancelari socialdemokrat postoi një foto në Tëitter pasi u rrëzua teksa po ushtrohej dhe pësoi mavijosje dhe gërvishtje në fytyrë.
Për shkak të dëmtimit të tij, ai anuloi aktivitetin e djeshëm parazgjedhor në Hessen. Megjithatë, ka pasur trazira në lokomotivën e Eurozonës për gjendjen e tij shëndetësore. Për këtë arsye, mëngjesin e sotëm ai ka postuar në Twitter, për të qetësuar qytetarët gjermanë për gjendjen e tij.
Saltoja që ai hëngri të shtunën ndodhi gjatë stërvitjes në vendbanimin e tij, në Potsdam.
Gazeta gjermane Bild, duke cituar një person të afërt, ka shkruar se syri i djathtë i është fryrë rëndë. Megjithatë, një mjek që e ekzaminoi nuk gjeti lëndime të tjera në fytyrën e tij.
Sipas gazetës, Olaf Solz u pengua dhe humbi ekuilibrin, duke bërë që të dëmtonte fytyrën. Kancelari gjermane gjatë vrapimit shoqërohet gjithmonë nga truproja, të cilët kanë mundur ta ndihmojnë shpejt.
Për të… qetësuar bashkëqytetarët për gjendjen e tij shëndetësore, kancelari gjerman ka postuar në llogarinë e tij zyrtare në Twitter, me një foto që të kujton një “pullë pirati” mbi syrin e tij të djathtë.
“Kushdo me traumë… Mezi pret të shoh memet. Faleminderit për urimet, duket më keq se sa është!”, ka shkruar Scholz në faqen e njohur të mediave sociale, duke shfrytëzuar humorin e lëndimit të tij. /tesheshi.com/
