Reali i Madridit më në fund ka treguar veten duke ka shpartalluar 7-1 Deportivo La Coruna. Madrilenët janë trembur sërish kur janë gjendur në disavantazh 0-1. Por reagimi ka qenë i shpejtë dhe Nacho ka barazuar rezultatin, duke i dhënë një lloj qetësie skuadrës.
Gareth Bale kaloi menjëherë në avantazh Los Blancos, të cilët megjithatë rrezikuan të pësonin sërish gol. Bale shënoi edhe golin e tretë për Real, ndërkohë që Ronaldo vijonte të shpërdoronte raste.
Pas golit të tretë, Deportivo sikur u dorëzua, e Modric shënoi golin e katërt pas një goditjeje të zgjuar nga 16 metra. Të gjendur pa shumë mundësi për të reaguar, kundërshtari tentoi të sulmojë, por në kundërsulm, Reali gjen edhe dy gola të tjerë, të dy me autor Ronaldon. Të parin dhe ters-heqësin, portugezi e shënoi pas një goditjeje me portën e boshatisur, ndërsa të dytin, pas një planzhoni shumë të bukur me kokë.
Për të mbyllur festën, Nacho gjeti edhe njëherë rrugën e rrjetës, duke e egzagjeruar fitoren e madrilenëve. Pas kësaj fitoreje, Reali rimerr vendin e katërt në kampionat, 13 pikë larg Barcelonës, që nuk ka luajtur ndeshjen e saj. /tesheshi.com/
