Real Madrid është përjashtuar nga garat e Kupës së Mbretit, pasi kishte aktivizuar pa të drejtë futbollistin Denis Cheryshev në lojë kundër Cadiz-it. Mirëpo madrilienët vazhdojnë të jenë optimist se Gjykata e Arbitrazhit do ta pezullojë vendimin e Komisionit të Etikës në Spanjë, për të zhvilluar duelin e kthimit në Madrid.
Klubi mbretëror tashmë ka filluar përgatitjet e ndeshjes duke shpallur edhe publikimin. Në plan të parë të publikimeve duket mesfushori Luka Modric, dita dhe ora e ndeshjes. Të martën më 16 dhjetor në Santiago Bernabeu do zhvillohet dueli kthyes ndërmjet Real Madrid dhe Cadiz.
Dueli i parë pati përfunduar 1-3 në favor të madrilienëve, mirëpo pas ankesës së skuadrës Cadiz për lojtarin Cheryshev, ata e humbën ndeshjen në tavolinë. Sulmuesi i ri rus ishte i suspenduar për këtë duel, pasi kishte mbërritur limitin e kartonëve të verdhë sezonin e shkuar në kuadër të Kupës me skuadrën e Villarrealit.
/tesheshi.com/
