Një tjetër ide e çmendur del nga Reali i Madridit: Presidenti Florentino Perez kërkon “të blejë” Adriano Galianin.
Lajmi është publikuar nga e përditshmja “Stampa” në Spanjë, e cila shkruan se brenda muajit nëntor, presidenti i Realit pritet t’i ofrojë Galianit, një vend në Këshillin Administrativ të klubit me më shumë trofe të Ligës së Kampioneve se kushdo në Europë.
Por posti i saktë për ish-administratorin e famshëm të Milanit të periudhës Berluskoni, nuk bëhet i ditur, mbase edhe për faktin se italiani duhet të dëshmojë që është i interesuar për një bashkëpunim të tillë.
Mesa duket, presidentit Florentino Perez i ka bërë përshtypje sjellja e Galianit, kur shpesh “dyluftonin” për blerjen e lojtarëve në klubet respektive, apo për organizime të tjera që ka patur mes skuadrave kryesore në Europë, ku natyrisht Reali dhe Milani, kanë patur fjalën kryesore. Adriano Galiani, pas tërheqjes nga klubi i Milanit, punon prej pak muajsh si President i Mediaset Premium. /tesheshi.com/
