Qeveria spanjolle vendosi përfundimisht aktivizimin e nenit 155 të Kushtetutës, duke i hapur rrugë kështu vendosjes së sundimit mbi Katalonjë, duke ia hequr automatikisht kësaj të fundit autonominë. Për rrjedhojë është shpallur shpërndarja e parlamentit rajonal dhe thirrja e zgjedhjeve të parakohshme.
“Qeveria u detyrua të zbatojë nenin 155 të Kushtetutës, dhe pse nuk ishte dëshira jonë”, tha kryeministri Mariano Rajoy, sapo përfundoi mbledhja e jashtëzakonshme e kabinetit të tij.
Ndërsa referendumin e tre javëve më parë në Katalonjë, Rajoy e quajti “proces totalisht të njëanshëm dhe kundër ligjit”.
Neni 155 i Kushtetutës, përkthehet ndryshe dhe si “pushtim politik” i Katalonjës nga ana e Madridit zyrtar, në emër të integritetit territorial.
Tashmë, derbi futbollistik Real – Barcelona, ka marrë dhe një karakter politik, sidomos nga fakti se dhe futbollistë me emër katalanas, u shprehën e votuan pro-pavarësisë. /tesheshi.com/
