Ndaj arrestimit të Çaushit kanë reaguar bashkëpartiakët e tij.
Glauk Konjufca shef i grupit parlamentar të VV-së, në një prononcim para mediave në hollin e Kuvendit pas arrestimit të Çaushit, ka thënë se subjekti i tij politik do të vazhdojë me rezistencë kundër projektligjit për Demarkacion.
“Ne do të vazhdojmë të bëjmë rezistencën edhe në ditën e seancës kur të vij projektligji për Demarkacion”, ka thënë Konjufca.
Edhe deputetja Donika Kadaj-Bujupi ka reaguar përmes një postimi në Facebook, e cila ka shkruar se sikurse edhe më parë, arrestimet dhe çdo tendencë tjetër për ta ndalur opozitën, është përpjekje kot.
“ Nuk e kemi ndërmend të ndalemi sepse nuk kemi tokë për të falur!”, ka shkruar ajo.
/tesheshi.com/
