Vetëvendosje bëri të ditur se gjatë aksionit të sotëm pranë ndërtesave qeveritare ku u shpuan gomat e disa makinave zyrtare, janë lënduar disa aktivistë dhe disa të tjerë janë arrestuar.
Disa nga aktivistët e arrestuar janë: Gëzon Kastrati, Alban Makolli, Daut Halili, Armend Krasniqi, Vllaznim Krasniqi, Muhamet Merofci, Erden Atiq, Imer Feja, Uran Hasani, Teuta Hasani, Muhamet Bytyqi, Fatos Sahiti, Kastriot Gërbeshi, Gurjeta Zeka, etj.
Disa nga aktivistët e lënduar janë: Albana Gashi, Etleva Malushaj, Margaritë Hajrizi, Valon Simnica etj.
Më tej, Vetëvendosje thotë se policia është duke përndjekur aktivistët e lëivizjes nëpër qytet dhe po i arreston e po i rreh kudo që i ndesh.
“Ne sot duam të defunksionalizojmë qarkullimin e veturave të qeverisë së Isa Mustafës sepse këtë qeveri, Mustafa po e përdor për ta jetësuar Zajednicën, me gjithë dëmet e rreziqet e saj për shtetin e Kosovës. Mustafa e ka vënë gjithë sistemin shtetëror në funksion të Zajednicës”, thuhet në reagimin e Vetëvendosjes.
Vetëvendosje shprehet e vendosur se Zajednica duhet të ndalet. “E meqë Isa Mustafa e ka lidhur aq pazgjidhshëm qeverinë e tij me këtë projekt të ndarjes etnike të vendit, atëherë e vetmja mënyrë për ta ndalur Zajednicën është defunksionalizimi i qeverisë Mustafa. Vetëm kështu shpëton Kosova”, thuhet në njoftimin e VV-së. /te sheshi.com/
