Partia më e madhe opozitare në Maqedoni, LSDM në krye me Zoran Zaev kanë reaguar mbi vendimin e Gjykatës Kushtetuese që të pranojnë propozimligjin e kryetarit të shtetit për ti falur manipuluesit zgjedhorë, trafikantët e drogës, pedofilët dhe të dënuar tjerë për vepra penale të rënda. Sipas LSDM-së as vendimi i turpshëm i Kushtetueses nuk do ta shpëtojë dot kryetarin e VMRO-së nga përgjegjësia.
“Vendimi i turpshëm i Gjykatës Kushtetuese nuk është gjë tjetër veçse një abuzim klasik i sistemeve partiake në gjyqësor, me shpresë se Gruevski do të shpëtohet nga përgjegjësia”, reagojnë nga LSDM.
Sipas tyre, ata që e shkatërruan ligjin dhe Kushtetutën janë fajtorët e vërtetë në shkatërrimin dhe djegien e Kushtetutës. Fajtorët e vërtetë janë Nikolla Gruevski dhe VMRO-DPMNE-së dhe me këtë vendim nuk do të shpëtojnë.
“Politika e Nikolla Gruevski dhe familjes është tipar i krimit, korrupsionit, mungesës së ligjit, si dhe shkaktimin e konfliktit artificial në mënyrë që me çdo kusht të qëndrojë në pushtet”, shtojnë nga LSDM. /tesheshi.com/
