Ka reaguar dhe Erdogan në lidhje me 13 kushtëzimet arabe ndaj Katarit, shpalosur nga Arabia Saudite, vendi që kryeson katërshen e poziconuar kundër Dohas.
Ndër to është dhe mbyllja e bazës ushtarake turke në Katar, dhe është pikërisht kjo e fundit që e ka nxitur presidentin turk që të reagojë ashpër.
Erdogan hodhi poshtë këtë kërkesë dhe pothuajse të gjitha në listën e 13-shes. Ai e konsideroi këtë si një ndërhyrje kundër sovranitetit të kësaj principate të Gjirit Persik.
Sipas Erdogan, kërkesa për tërheqje të trupave turke tregonte mungesë respekti dhe se Doha po mban qëndrimin e duhur duke i përshkruar ato si të paarsyeshme.
Më herët, edhe Katari tha që edhe pse po e shqyrtonte listen me kërkesa, ato ishin të paarsyeshme dhe të pazbatueshme.
Sakaq, Erdogan shtoi se kishte ofruar ndërtimin e një baze ushtarake në Arabinë Saudite, por nuk kishte marrë për këtë një përgjigje të qartë. /tesheshi.com/
