Pasi që Gjykata Themelore në Mitrovicë ka dënuar gjeneral Sylejman Selimin, kanë reaguar banorët e fshatit të tij të lindjes Aqarevë. Në këtë reagim thuhet së fshati Aqarevë është i indinjuar thellë, lidhur me dënimin e pa merituar dhe absurd, që i është dhënë dje nga Gjykata Themelore në Mitrovicë, gjeneral Sylejman Selimit dhe disa ish bashkëluftëtarëve të tij, në një proces gjyqësor të pa kuptimtë dhe të pa drejtë.
Po ashtu komuniteti i këtij fshati , duke e njohur punën dhe sakrificën e z. Selimi, është plotësisht i bindur në pafajësinë e tij. Ne cilësojmë se ky akt fyen gjithë popullin e Drenicës, fyen luftën çlirimtare, heronjtë, viktimat, të gjallët dhe te vdekurit. Vendimi që u dha dje nga gjyqtarët e EUELX-it, e që për bazë kishte deklarimet e disa dëshmitarëve kontradiktorë dhe të rremë, nuk mund të akceptohet ndryshe veçse i nxitur dhe i motivuar politikisht. Ne jemi të bindur se komandanti , njëherësh edhe bashkëfshatari ynë Sulltani, nuk ka bërë asnjë krim, por prangosja dhe dënimi i tij është krimi më i madh që është bërë në Kosovën e lirë. Ne presim nga drejtësia kosovare që në instance më të lartë, ta përmirësoj këtë pa drejtësi ndaj ish luftëtarëve të UÇK-së, ndërsa djemtë tanë të kthehen aty ku e kanë vendin, në shërbim te atdheut. Fshati Aqarevë është me Sulltanin dhe shokët e tij, dhe nuk do të rresht së kërkuari drejtësi për ta, përfundon reagimi i bashkëfshatarëve të Sulltanit.
/tesheshi.com
