Kreu i opozitës Lulzim Basha e ka cilësuar si tendencioze dhe politike akuzën e qeverisë ndaj disa ish-ministrave dhe zyrtarë të Partisë Demokratike.
Në një deklaratë për shtyp, Basha është hedhur në kundërsulm duke akuzuar qeverinë aktuale:
“Kokoshi 200 milionë dhe zengjini i tij shpresojnë më kot se duke hedhur tym do të arrijnë të mbulojnë gjurmët dhe transfertat e tyre bankare off shore. Tepër vonë. Janë kapur me presh në duar. Do të paguajnë deri në kacidhen e fundit paratë që ju vodhën shqiptarëve. Qerrja e transparencës ndërkombëtare ka filluar të lëvizë. Nuk kanë për ta shantazhuar dot, nuk kanë për ta blerë dot, nuk kanë për ta ndalur dot me ligj të posaçëm siç ndalën përkohësisht drejtësinë shqiptare. Ora po troket mbrapsht për Edi Ramën me 40 hajdutë”, thekson kreu i PD-së në deklaratën e tij.
Basha e cilësoi një lojë me pseudopadi për t’i hedhur shqiptarëve hi syve. “Qeveria e pati shansin për hetim të drejtë për këtë çështje, thotë Basha duke iu referuar dhe kërkesës për hetim ndërkombëtar të PD-së, por nuk e bënë sepse e vërteta do të nxirrte në dritën e diellit vjedhjen e shekullit”. /tesheshi.com/
