“Ilir Meta e ka humbur të drejtën për të qëndruar në atë post. Do fillojmë procedurën e shkarkimit të Ilir Metës nga Presidenca të enjten. Është detyra jonë për të mbrojtur Kushtetutën” – ka qenë reagimi i parë zyrtar nga mazhoranca, pas aktit të kreut të shtetit për të ç’dekretuar njëanshmërisht datën e zgjedhjeve lokale.
Kjo u tha nga zëdhënësja e qeverisë Elisa Spiropali.
“Kryesia e PS ka diskutuar mbi aktin brutal të Ilir Metës mbi Republikën Parlamentare të Shqipërisë. Kryesia ka vendosur që të enjten të zhvillojë një debat parlamentar, duke shtjelluar argumentet, se si Ilir Meta ka sulmuar Republikën dhe ka shpikur një institucion që nuk eksiton në asnjë vend të botës, që quhet çdekretim. Në fund do t’i takojë Kolegjit zgjedhor apo KQZ që ta shqyrtojë nga pikëpamja juridike”, shtoi Spiropali. /tesheshi.com/
