Për qeverinë e Prishtinës, një variant i një Asocacioni nga Tirana ka zero vlerë.
Dy ditë pasi Rama bëri me dije një plan mbi Bashkimin e Komunave Serbe, në funksion të zgjidhjes së krizës në veri, nga qeveria Kurti ka ardhur një reagim, me zërin e numrit dy të saj.
“Diskutimet apo negociatat janë mes Kosovës dhe Serbisë drjet normalizimit të marrëdhënieve. Këto negociata janë mes kosovarëve dhe serbëve.
Nëse përfaqësuesit e Republikës së Kosovës kanë nevojë për përkrahjen nga miq dhe ndërkombëtarë…në këtë pikë ne nuk kërkuam që dikush të na ndihmojë për draft statutin. Për këtë arsye, nga përspektiva ligjore ky propozim ka zero relevancë”, ka deklaruar Besnik Bislimi, njëherësh kryenegociator në bisedime me Serbinë.
Në një tjetër reagim, zëdhënësi i qeverisë së Kosovës, Përparim Kryeziu, tha se “nga Shqipëria zyrtare presim mbështetje, pasi ndërmjetësues kemi shumë”.
Ndërkohë, vetë Kurti nuk ka reaguar akoma. /tesheshi.com/
