Ka ardhur dhe reagimi i parë ndërkombëtare për rastin “Tahiri”, verdiktin gjyqësor ndaj tij, diktuar nga interesi gazetaresk. Ka qenë ambasadori i BE-së në Tiranë Luigi Soreca, ai që është shprehur se nuk mund ta komentojë atë pa e parë dosjen.
“Si një ish-prokuror do të shikoj dosjen dhe më pas do i komentoj. Nuk mund të komentoj vendimin pa lexuar dosjen”, tha njeriu i Brukselit.
Ndërkohë, orë pas vendimit, po mungon reagimi i Ambasadës Amerikane, e cila pati përfaqsues të saj në sallën e gjyqit. Siç dihet, Tahiri ka qenë në përplasje me qasjen amerikane ndaj tij, përfaqësuar kjo e fundit nga ish-ambasadori Lu. /tesheshi.com/
