Kryeminstri Rama reagoi nga Ura Vajgurore ku qe në kuadër të fushatës për zgjedhjet e 30 qershorit, pas deklarimeve të drejtueses së Krimeve të Rënda Donika Prela, lidhur me Dosjen 339. E vonuar – është ky reagim sipas Ramës.
“Dëgjojeni deklaratën e drejtueses së Prokurorisë për Krime të Rënda. Me shumë vonesë për fat të keq, por ka shpjeguar arsyen se përse këto zbulime të mëdha, janë një abuzim i madh me ligjin dhe nxjerrjen e sekretit hetimor për politik dhe kundër Shqipërisë.
Dëgjojeni dhe lexojeni kush janë personat që i kanë mbajtur në sirtar. Prokurorët i kanë çuar te partia për t’i përdorur për politik, sepse i bashkon shumë gjëra ata: lufta kundër Reformës në Drejtës, prokurorë e politikanë që i tremben Reformës në Drejtësi”, tha Rama.
Shefi i qeverisë u përbetua se Reforma në Drejtësi do vijojë e se drejtësi do të ketë më në fund falë reformës.
“Drejtësia ka vonuar shumë, por mos harroni që nuk po bëjmë drejtësi popullore, por ndërtojmë një sistem drejtësie me ndërkombëtarët ku prokurorët e gjykatësit nuk do të kenë lidhje me politikanët”, theksoi Rama, duke vijuar të thotë se qeverisja e tij nuk ka penguar asnjë hetim:
“Përgjimet e neveritshme, se askush nuk mund të çohet dhe të thotë që ne kemi hapur gojën apo për të çuar dorën për të penguar drejtësinë. Nuk na ka parë askush për të marrë në mbrojtje këdo qoftë që duhet të dalë para drejtësisë, ajo do e vendos kush është i fajshëm apo i pafajshëm.
Drejtorin e Tatimeve e kishin të dënuar dhe e çonin përditë si të pafajshëm deri në vendimin e formës së prerë. Ne e kemi bërë të qartë ndarjen, drejtësia ka punën e vetë dhe prandaj jemi e vetmja forcë për të çuar deri në fund atë reformë në drejtësi. Ata duan që të bëjnë gjyqe popullore, pa prova, pa hetime pa asgjë”, tha Rama. /tesheshi.com/
