Lumturi, habi, pak frikë dhe ndrojtje. Janë këto emocionet e provuara nga një grup fëmijësh në Ugandë, të cilët kanë parë një spektakël të pa admiruar më parë gjatë jetës së tyre të re: ngritjen dhe fluturimin e një droni.
Sapo pajisja është ngritur në ajër, të vegjlit janë “çmendur”: disa prej tyre kanë nisur të vrapojnë, të tjerë kanë ulëritur nga gëzimi dhe lumturia, ndërsa të tjerë kanë qëndruar pa lëvizur aspak, si pasojë e habisë që i ka përfshirë. Ai që ka organizuar “eventin” në një fshat në Ugandë ishte Brandon Smith, amerikani i apasionuar pas mediave digjitale dhe aparaturave të tilla.
Brandon arriti në këtë vend afrikan për një bashkëpunim me organizatën jofitimprurës, IMOutreach.org, e cila merret me informimin e popullsisë mbi temën e higjienës dhe shëndetit personal.
“Kërkesa për të treguar fluturimin e një droni m’u bë nga drejtori i shkollës së fshatit”,- tregon Brandon Smith. “Studentët më kërkuan menjëherë që ta ngrija sërish në fluturim, të ndjerë tepër kureshtarë. Disa prej tyre kanë ngelur me të vërtetë të mahnitur, duke qenë se nuk kishin dëgjuar të flitej, e jo më të kishin parë një dron më parë”,- tregon amerikani Smith. /tesheshi.com/
