Ish-kryeministri italian Matteo Renzi po gjendet nën një furtunë kritikash pas kthimit të Arabia Saudite, e këto për shkak të disa deklarimeve me superlativa ndaj vizionit transformues të Princit Mohammed bin Salman. Mes atyre që i janë vërvitur me akuza, janë edhe homoseksualë.
Renzi tha se Arabia Saudite mund të jetë vendi i një “Rilindjeje të re”, siç ajo eurupiane në Mesjetë dhe se ai “kishte zili se si paguhej puna në këtë vend”, raporton Middle East Eye (MEE).
Renzi, i cili aktualisht është një senator në emër të qytetit të Firences, ishte në kryeqytetin saudit Riad, në 27 dhe 28 janar, si pjesë e Nismës vjetore të Investimeve të Ardhshme (FII), e quajtur shpesh “Davosi i Shkretëtirës”.
Ai pati bashkëbisedim televiziv të enjten me Princin e Kurorës Saudite Mohammed bin Salman.
Tema e këtij viti ishte “Rilindja e Re”.
“Eshtë një privilegj i veçantë për mua të flas me ju për Rilindjen (saudite), sepse unë nuk jam vetëm ish-kryeministri, por edhe ish-kryetari i Firences, qyteti i Rilindjes europiane,” tha Renzi, duke aluduar në periudhën e Rilindjes në historinë mesjetare evropiane.
“Rilindja u bë e madhe menjëherë pas murtajës, pas pandemisë … Unë mendoj se Arabia Saudite mund të jetë skena e rilindjes në të ardhmen.”
Trashëgimtari i fronit, i konsideruar nga shumë si sundimtari de facto i Arabisë Saudite, foli për planet e tij ambicioze për të transformuar mbretërinë, duke përfshirë krijimin e një qyteti të ri të njohur si “The Line” dhe një rritje të popullsisë së Riadit.
“Linja” është një plan i diskutueshëm për të ndërtuar një qytet të ri 175 kilometra pa karbon, si pjesë e Neom-it – “megacity-t futuristic” prej 500 miliardë dollarë.
Renzi tha gjithashtu se ai “nuk mund të flas për pagat në Saudi, sepse si italian jam shumë xheloz”, gjë që u raportua shpejt nga media italiane.
Senatori fiorentin gjithashtu bëri shaka kur tha se 1.4 trilion dollarë që fondi saudit kishte njoftuar të linte mënjanë për investimet e vitit 2030 ishte afër borxhit publik të Italisë.
Por disa kritikë të tij u kapën te situata e vështirë, sipas tyre, e të drejtave të njeriut në Arabinë Saudite dhe shprehën dyshime nëse ishte vendi i duhur për një “Rilindjeje” të re.
“Nuk ka rilindje pa respekt për të drejtat e njeriut,” tha aktivisti LGBT Gianmarco Campogna. /tesheshi.com/
