Ish-kancelarja Angela Merkel do të nderohet me Kryqin e Madh të Urdhrit të të Gjermanisë, nderimi më i lartë i shtetit gjerman, nga Presidenti Federal Frank-Walter Steinmeier. Deri më tani, këtë çmim e kanë marrë vetëm dy ish-kancelarë, Konrad Adenauer dhe Helmut Kohl, të dy kristiandemokratë (CDU). Megjithatë, vendimi i zotit Steinmeier po rezulton mjaft i diskutueshëm.
“Angela Merkel ishte gruaja e parë që kishte fjalën për fatin e vendit tonë nga lart dhe përjetoi të gjitha vështirësitë e politikës,” i tha rrjetit (RND) bashkëkryetarja e Partisë Social Demokratike (SPD), Saskia Esken. “Për 16 vjet, shumë kanë menduar shpesh: pse po ia bën këtë vetes?
Ajo që e shtyu atë ishte serioziteti i thellë dhe ndjenja e madhe e detyrës me të cilën ajo përfaqësoi vendin tonë, brenda dhe jashtë vendit, dhe ajo shkëlqeu në krizat e shumta të mandatit të saj me një ndjenjë ekuilibri”, shtoi Esken duke iu referuar integritetit dhe sensit të humorit të ish-kancelares.
Udhëheqësja e SPD, e cila ka punuar me zonjën Merkel në qeverinë e saj të fundit, tha gjithashtu se ajo i vlerësonte shumë aftësitë e saj diplomatike, “mençurinë dhe ndjeshmërinë e saj, cilësi me të cilat ajo pati sukses herë pas here në ndërtimin e koalicioneve të qëndrueshme, cilësi të paçmueshme në këto kohë krizash e trazirash”.
Por nga ana tjetër, Sekretari i Përgjithshëm i Liberalëve (FDP), Vijan Djir-Sarai, deklaroi po në RND se në fund të mandatit të zonjës Merkel, vendi nuk ishte në gjendje të mirë, duke theksuar që “madhështia historike në politikë mund të njihet vetëm me një vonesë të konsiderueshme kohore”.
Bashkëkryetari i të Gjelbërve, Omnid Nouripour i tha të njëjtit rrjet se ish-kancelarja e përkufizoi Gjermaninë si pakkush dhe “nuk duhet të pajtohet me gjithë punën e saj për të njohur meritat e saj të mëdha“.
Ndërsa bashkëkryetari i të Majtës, Martin Sirdevan e quajti çmimin që znj. Merkel do të marrë “një relike nga epoka perandorake” dhe vuri në dukje se ish-kancelarja kishte një rol të diskutueshëm, i cili meriton kritika dhe jo lëvdata.
“Merkel e ka shkatërruar Gjermaninë dhe e ka lënë atë në gërmadha,” tha nënkryetari i partisë Stefan Brandner për RND nga pala Alternativa për Gjermaninë.
Pak muaj më parë, Wolfgang Schäuble, duke iu referuar “kancelarëve të mëdhenj”, kishte përmendur vetëm Konrad Adenauer, Willy Brandt dhe Helmut Kohl, ndërsa veçanërisht për zonjën Merkel, kishte theksuar se “lista aktualisht është e plotë dhe është shumë herët për një vlerësim përfundimtar”. Madje ai iu referua konkretisht faktit se “edhe tani për sa i përket Rusisë, ajo nuk mund të pranojë se kemi bërë gabime”.
Profesori i historisë Andreas Renter bën një kritikë ndryshe, me një artikull në gazetën Tagesspiegel, ku thekson se me vendimin e tij Frank-Walter Steinmeier “dëmton demokracinë dhe besueshmërinë e saj”, ndërsa me çmimin “lavdëron jo vetëm ish-shefen e tij, por edhe trashëgiminë e trazuar të viteve të fundit”.
Presidenti aktual federal ka shërbyer si ministër i Jashtëm nën zonjën Merkel dhe shihet si një nga nismëtarët e afrimit me Rusinë. /tesheshi.com/
