Agim Kajmaku, kreu i ri i Bashkisë së Vorës vënë në shënjestër nga selia blu, ka reaguar ndaj një tjetër dokumenti të prezantuar nga PD mbi personin e tij, duke garantuar se është i pastër nga çdo akuzë.
“Tellalli i PD u morr me mua prapë sot, po s’ka problem se e vërteta vonon po nuk harron. Unë paskam urrdhër arresti në Greqi dhe hykam e dilkam sa herë dua!
Ja ku e kam që kam hyre e kam dalë nga Greqia para se të dilte emri kandidat. E vërteta ime do vërtetohet siç e kam thenë. Unë s’jam arrestuar dhe s’jam dënuar në Greqi, por kam bërë punë me emër tjetër si gjithë shqiptarët. Po të isha në kërkim s’do hyja dhe dilja sipas qefit! E verteta është me mua dhe unë jam me të vërtetën!”, shkruan Kajmaku.
Më vonë, ai morri si përgjigje nga sekretari demokrat, përbetimin për të kundërtën,
“Jorgo Toto i Vorës po tenton t’i bëjë shqiptarët për budallenj. Tregon pasaportën e Agim Kajmakut, në vend që të tregojë pasaportën e Jorgo Totos, emër me të cilin është arrestuar dhe është në kërkim në Greqi. Si Agim Kajmaku ke hyrë dhe mund të hysh prapë në Greqi! Pyetja është, si Jorgo Toto a hyn dot? Jorgo Toto me foton në TIMS dhe me pasaportën nr. Z 0148497 a je ti? Që e vërteta do të dalë, për këtë nuk ka asnjë pikë dyshimi! Që ti do të shkosh në burg, edhe këtë mos e dysho!”, shkruan Gazmend Bardhi. /tesheshi.com/
