Deklarimet më të fundit të kreu të diplomacisë austriake, Sebastian Kurz, sipas së cilit femrat në Sarajevë e Prishtinë paguhen për t’u mbuluar, kanë ngjallur dhe reagime shtetërore.
Ministri turk për Bashkimin Evropian dhe kryenegociatori Omer Çelik, e ka quajtur Kurz-in si një politikan racist.
“Ky ministër i ri është i njohur si një simbol i racizmit në Evropë, dhe vazhdimisht përhap racizëm. Aktivitetet e tij politike, ndër tjera, përbëhen edhe nga armiqësia kundër Turqisë, presidentit Erdogan si dhe islamofobia”, tha Çelik.
Më tej, ai foli dhe për raportet e acaruara mes vendit të tij dhe Gjermanisë, ku theksin e vuri tek thirrja drejtuar komunitetit turk në Gjermani që të mos votojë socialdemokratët, ku bën pjesë dhe ministri i Jashtëm, Sigmar Gabriel, një ndër më polemizuesit së fundi me presidetin Erdogan.
“Turqia dhe populli turk kanë vlerat e tyre. Këto vlera janë vija e kuqe. Çfarëdo që të diskutojmë mes vete, për kë do të votojmë, autoriteti i Presidentit të Turqisë është ai që përfaqëson gjithë kombin turk. Ministri i Jashtëm i Gjermanisë, as nuk është në atë nivel, as nuk ka fuqi të komentojë këtë çështje”, tha Çelik. /tesheshi.com/
