Reagim nervoz i Bushatit: Këshilltari im është i pastër

Ministri i Jashtëm, Ditmar Bushati, iu është përgjigjur akuzave për shefin e kabinetit të tij, Pirro Vengu. Ai tha se Pirro Vengu është një nga punonjësit më të devotshëm të institucionit që drejton. “Mund të them që shefi im i kabinetit është një nga punonjësit më të devotshëm të shtetit shqiptar. CV mund t’ua vendos në dispozicion shqiptarëve. Çdo gjë tjetër është spekulim, pasi idiotët e nevojshëm të fqinëjve vazhdojnë që të gjallojnë”, tha Bushati. “Kjo është një çështje e sqaruar nuk kam pse të prononcohem. Kërkesën e opozitës për dorëheqje e kaloj me një buzëqeshje. Jam gati në çdo moment që të kërkohem institucionalisht për të dhënë shpjegime për këtë çështje që nuk më përket mua, pasi është në përputhje me legjislacionin dhe ligjin e jashtëm”, deklaroi me tej Bushati. Pirro Vengu është kthyer në object debatesh këto ditë, pasi ai ka shtetësi greke dhe për këtë i ka ardhur edhe një thirrje nga Greqia, për të kryer shërbimin ushtarak