Zëdhënësi i qeverisë së Kosovës Përparim Kryeziu,tha se të gjitha diskutimet për kufijtë ishin të papranueshme dhe se qeveria në largim e Albin Kurtit nuk e pranoi termin “ndryshim i kufijve” si një eufemizëm për ndarjen e Kosovës.
Mediat kujtojnë se Përfaqësuesi i Lartë i Bashkimit Evropian Josep Borrell, në një intervistë me disa media të Ballkanit për çështjen e dialogut midis Kosovës dhe Serbisë, nuk kundërshtoi korrigjimin e kufijve, duke deklaruar se një çështje e tillë duhet të zgjidhet midis dy palëve dhe se nuk i takon BE-së t’i thotë serbëve dhe shqiptarët çfarë të bëjnë.
“Sa i përket deklaratës së Joseph Borrell, qeveria thekson që dialogu duhet të jetë parimor. Ne kemi përsëritur qëndrimin tonë se nuk mund të ketë marrëveshje pa dialog, nuk mund të ketë dialog me hartat”, tha Kryeziu në përgjigje të Borrell.
Ai shtoi se një marrëveshje që përfshin ndryshimin e kufijve është e papranueshme për qeverinë e Kosovës.
Sipas tij, qeveria e Kosovës mirëpret deklaratën e Borrellit se dialogu duhet të jetë i lirë dhe i drejtë midis Serbisë dhe Kosovës dhe se marrëveshja përfundimtare duhet të marrë parasysh efektet që mund të ketë në rajon. /tesheshi.com/
