Princi i Kurorës Saudite Mohammed bin Salman, Princi i Kurorës, Kryeministër dhe Kryetar i Këshillit të Lartë të Hapësirës, priti astronautët Rayana Bernawi, Ali Al-Qarni, Mariam Fardous dhe Ali Al-Ghamdi përpara nisjes së misionit shkencor saudit në Stacionin e Hapësirës Ndërkombëtare (ISS).
Trashëgimtari i fronit përshëndeti ekuipazhin e misionit shkencor, i cili përfshin gruan e parë saudite, muslimane dhe arabe që fluturoi në hapësirë Rayana Bernawi dhe astronautin e parë saudit, Ali Al-Qarni që mbërriti në ISS.
Princi i Kurorës theksoi gjithashtu rëndësinë e sektorit të hapësirës si shtylla kryesore në forcimin e konkurrencës globale të Mbretërisë, duke theksuar në të njëjtën kohë rëndësinë e kërkimit hapësinor në shërbim të shkencës dhe njerëzimit.
Duke iu drejtuar astronautëve, princi saudit vuri në dukje gjithashtu se ata përfaqësojnë aftësitë e popullit saudit dhe ambiciet e tyre për të luajtur një rol jetik në inovacionin dhe eksplorimin e hapësirës për të gjetur zgjidhje të qëndrueshme për të mirën e njerëzimit.
Ai gjithashtu vuri në dukje se populli saudit ka shpresa të mëdha te Rayan Bernawa dhe Ali Al-Qani si ambasadorë dhe përfaqësues të Mbretërisë në ISS në një mision që ka synime fisnike për fuqizimin e njerëzimit, mbrojtjen e planetit dhe hapjen e horizonteve të reja për shëndetin dhe mjedisin e qëndrueshëm.
Astronautët shprehën mirënjohjen e tyre për takimin me Princin Mohammed bin Salman si dhe për mbështetjen e tij të vazhdueshme. Astronautët Rayana Bernawi dhe Ali Al-Qarni kanë theksuar gatishmërinë e tyre për misionin historik, duke premtuar se do të lënë gjurmë në eksplorimin e hapësirës.
Misioni historik nënvizon angazhimin e Mbretërisë për të mbështetur përpjekjet globale në eksplorimin e hapësirës, inkurajimin e kërkimit shkencor në terren dhe forcimin e njohurive dhe rolit të sauditëve në programet dhe teknologjitë hapësinore sipas Vizionit Saudit 2030, raporton agjencia saudite e lajmeve SPA. /tesheshi.com/
