Presidenti Thaçi ka nënshkruar dekretin për ratifikimin e marrëveshjes ndërkombëtare për tregti të lirë mes Kosovës dhe Turqisë.
Marrëveshja, e cila erdhi përmes një dekreti të nënshkruar në bazë të kompetencave të presidentit, erdhi me kërkesë të ministrit të Jashtëm të Kosovës, Behgjet Pacolli, më 4 prill të këtij viti. Nënshkrimi e ratifikon edhe zyrtarisht marrëveshjen e tregtisë së lirë me Turqinë, e cila është nënshkruar më 27 shtator të vitit 2013.
Të dhënat nga tregtia e mallrave në Kosovë, në vitin 2018, tregojnë për një deficit tregtar në vlerë prej 2.9 milionë euro, ose në përqindje 11.6 për qind. Pra, gjatë këtij viti pati bilanc negativ sipas të dhënave të Agjencisë së Statistikave të Kosovës.
Eksportet e Kosovës me vendet e tjera të botës arritën në 83.1 milionë euro, ose 22.6 për qind. Si partnerë më të rëndësishëm nga këto vende për eksport janë India dhe Zvicra. /tesheshi.com/
