Një rast i rrallë është shënuar në Britaninë e Madhe, ku një bebe e lindur me zemrën jashtë ka arritur të mbijetojë.
Vajza e lindur para kohe ka sfiduar mjekësinë duke arritur t’i mbijetojë lindjes së pa menduar dhe zemrës jashtë trupit.
Vanellope Hope Wilkins pritej që të lindte në prag të krishtlindjeve, por asaj iu desh të lindte para kohe me një lindje cezariane me 22 Nëntor.
Skanimi pas nëntë javëve kishte zbuluar zemrën e bebes që ndodhej në pjesën e stomakut dhe po rritej jashtë trupit.
Në kohën kur lindi, vajza ishte shumë e vogël dhe e dobët dhe kur të gjithë mendonin që nuk do ia dilte, bebja po merr veten.
Ekspertët thonë se nuk e dinë një rast të këtillë në Britaninë e Madhe, ku një fëmijë i ka mbijetuar.
Kirurgët zëvendësuan membranën e përkohshme me një të përhershme dhe krijuan një rrjetë të veçantë për t’u bashkuar lirshëm me brinjët dhe për të formuar një kafaz brenda gjoksit të saj.
Së fundi, ata bënë shkurtime në lëkurën e saj dhe e shtrinë atë për të mbuluar vrimën.
Ndërsa organet e saj luftojnë për hapësirën brenda gjoksit të saj, Vanellope është akoma e lidhur me një makinë ventilimi, por shanset e saj për mbijetesë afatgjatë po përmirësohen gjatë ditës.
Procedura mjekësore është jashtëzakonisht e rrallë, sepse shumica e nënave me diagnozën e “ectopia cordis” kanë abortuar./tesheshi.com/
