LDK-ja e Isa Mustafës ka bërë të ditur se do të thërrasë në interpelancë kryeministrin Ramush Haradinaj pas akuzave të bëra për ministrin e Bujqësisë Nenad Rikalo. Ky i fundit, sipas banorëve të lagjes “Dardania” të Prishtinës, gjatë luftës në Kosovë ka kryer krime ndaj civilëve.
Hoti tha se ministri duhet të shkarkohet në të kundërtën Haradinaj do të përballet me veprimet demokratike.
Ai shtoi se e kanë pranuar me shqetësim se nuk ka informacione për Rikalon lidhur me veprimet e tij gjatë luftës.
“LDK me forma demokratike, e jo me dhunë do të punojë për respektimin e Kushtetutës. Ne do të thërrasim interpelancë për rastin Rikalo”, tha Hoti. /tesheshi.com/
