Gloria Ramirez, e njohur si “zonja helmuese” e mori këtë pseudonim menjëherë pas vdekjes së saj. konkretisht, shumë mjekë dhe punonjës mjekësorë u sëmurën pasi u ekspozuan ndaj gjakut të saj “kristal”.
Edhe pse kanë kaluar gati dy dekada nga vdekja e “zonjës helmuese”, vdekja e saj është ende një mister mjekësor i pazgjidhur.
Pas një beteje të gjatë me kancerin ovarian, Ramirez u dërgua me urgjencë në spital në vitin 1994 për shkak të një ataku kardiak. Megjithatë, pavarësisht përpjekjeve të mëdha të mjekëve, ajo vdiq në Spitalin e Përgjithshëm Riverside, i cili ndodhet në Kaliforninë Jugore.
Historia e tmerrshme filloi menjëherë pasi infermierët i morën një mostër të gjakut të saj. Mjekët më pas vunë re një erë të çuditshme, gjoja amoniak, dhe më vonë doli se mostra e gjakut përmbante kristale të çuditshme.
Megjithëse gjithçka dukej se ishte normale, shumë profesionistë shëndetësorë që ranë në kontakt me këto kristale filluan të raportojnë probleme. Simptomat kryesore që ata raportuan ishin: marramendje, konvulsione, vështirësi në frymëmarrje dhe të përziera.
Ajo që ishte e frikshme është se 23 punonjës mjekësorë, nga gjithsej 37, raportuan probleme. Nga ky numër, pesë u shtruan në spital, njëri prej të cilëve kaloi dy javë në kujdes intensiv.
Edhe pse shkaku i kësaj nuk u gjet, shumë studiues, por edhe qytetarë, janë të mendimit se ishte vetëm histeri masive, transmeton Unilad.
Në vitin 1997, një ekip hulumtues spekuloi se Ramirez po përdorte dimetil sulfoksid si një ilaç natyral për dhimbjen që po përjetonte nga një sëmundje e keqe, e cila reagoi me trajtimin e kancerit dhe përfundimisht çoi në kristalizimin e gjakut në temperaturën e dhomës. Megjithatë, kjo teori nuk u konfirmua kurrë.
Edhe pse për këtë mister flitet edhe sot, Tom DeSantis, zëdhënës i mjekut të qarkut në atë kohë, deklaroi se ka shumë mundësi që ky rast të mbetet një mister i përjetshëm. /tesheshi.com/
