Ka disa lloj alergjish. Disa prej tyre mund të jenë thjesht kalimtare dhe të mos ndikojnë thuajse aspak në jetën tonë, ka të tjera që përsëriten herë pas here dhe lënë shenjat e tyre në organizmin e njerëzve, por ka edhe nga ato që mund të na ndryshojnë tërësisht mënyrën e të jetuarit. Efektet e tyre janë nga më të thjeshtat e deri tek ato më tronditëset.
Një nga rastet më të veçanta të alergjisë me shumë mundësi është ajo e një djaloshi 19-vjeçar nga Amerika, i cili quhet Alex Visker dhe është alergjik nga proteinat e ushqimeve. Kjo është arsyeja që çdo ditë ushqehet vetëm nëpërmjet një tubi që i kalon direkt në stomak ushqime me përmbajtje të lartë kalorike.
Ai tregon se pjesa më e vështirë ka qenë të mësohej dhe të ambientohej me këtë mënyrë të re të ‘mos ushqyerjes’, duke qenë se më parë Alex mund të konsumonte disa ushqime, të cilat më pas u bënë të papranueshme nga organizmi i tij. Që kur ishte i vogël Alex ankohej për dhimbje të forta të kockave dhe të muskujve pasi konsumonte vaktet.
Pasi u vizitua nga shumë mjekë, të cilët nuk e kuptonin kurrë se çfarë problemi kishte, ishte një dermatolog ai që zbuloi se cila ishte patologjia e djalit dhe nisi ta nënshtronte në terapi të shumta kundër alergjive që vinin nga ushqimi. Djali i ri përballet çdo ditë me jetën në një mënyrë shumë të sforcuar, duke ndjekur kështu edhe universitetin në mënyrë online, pas përfundimit të gjimnazit./tesheshi.com/
