Bëhet fjalë për një mrekulli të shkencës. Një ndërhyrje e realizuar në Zvicër, në Gotheborg, ka mundur të bashkojë tre breza dhe të bëjë nënë një grua të moshës 30 vjeçare, e cila kishte humbur mitrën e saj në moshën 20 vjeçare, për shkak të një tumori.
Ajo ka arritur të sjellë në jetë një fëmijë, i cili tani është 9 muajsh, pasi i është transplantuar mitra e nënës së saj. Ajo që e ka ndjekur dhe realizuar të gjithë operacionin ka qenë revolucionarja Mats Brannstorm, e cila ka bërë transplantin e parë të mitrës tek 9 femra, rreth dy vite më parë, gjatë një eksperimenti në të cilën një grua arriti të lindë një fëmijë, ndërsa disa të tjerave iu hoq organi i transplantuar, për shkak të disa problemeve që paraqitën. Në këtë rast ka një element më shumë: “është një mitër e vetme që mbledh tre breza të një familje”,- shpjegon mjekja.
Përpara kësaj ndërhyrjeje janë realizuar edhe dy transplantime të tjera të mitrës, njëra në Arabinë Saudite dhe tjetra në Turqi, por prej tyre nuk kanë lindur fëmijë të gjallë. Mjekët në Britaninë e Madhe, Francë dhe SHBA kanë programuar operacione të ngjashme, por me mitrën e dhuruesve që nuk ishin gjallë.
Në këtë rast, nëna e re i është nënshtruar një fekondimi in vitro, duke përdorur ovocitet e saj dhe spermën e bashkëshortit. Mjekët kanë pritur më pas rreth një vit pas transplantit, përpara se të vijonin me shtatzëninë.
Pas 4 tentativash për implementimin e embrioneve në mitrën e re, gruaja ngeli shtatzënë pa pasur komplikime ndërsa fëmija ka lindur me operacion cezarian. Tani ajo dhe bashkëshorti i saj janë duke menduar të sjellin në jetë një fëmijë të dytë, përpara se mitra e transplantuar të dalë jashtë funksionit./tesheshi.com/
