Pa e përmendur me emër, kryeministri Rama i është referuar rastit të fundit të dënimit me dy vite burg të ish-Kryeprokurit Llalla, si bindje e tij se korrupsioni në Shqipëri po luftohet fort me drejtësinë e re.
“Fakti që pandëshkueshmëria në Shqipëri nuk është më një normë, dhe fakti që ka njerëz nga pushtete të forta që kanë dalë para gjykatave dhe janë dënuar, flet vetë.
Po bëjmë një luftë të hapur kundër korrupsionit, po bëjmë një luftë të hapur për shtetin e të drejtës dhe dua të shtoj edhe luftën kundër trafikut të drogës; së pari nuk jemi një përjashtim në Evropë, së dyti po të flasim për sasi, jemi ndër vendet me sasinë më pak të konsiderueshme dhe së treti kemi bërë përparime shumë të rëndësishme edhe në këtë drejtim“, tha Rama në një intervistë për median franceze Tv5 Monde. /tesheshi.com/
