Presidenti Erdogan i ka kërkuar Arabinë Saudite që të ekstradojë të dyshuarit për vrasjen e gazetarit saudit Jamal Khashoggi në Stamboll, duke thënë se Mbretëria e Arabisë nuk bashkëpunon.
“Është thelbësore që këta njerëz të dalin në gjyq në Turqi, në mënyrë që te merret një përgjigje për të gjitha pyetjet që komuniteti ndërkombëtar mund të ketë për rastin. Kushdo që e ka urdhëruar dhe e ka kryer krimin duhet që menjëherë të gjendet. Pa u gjendur ata, e gjithë bota dhe bashkësia islame nuk do të jetë e qetë”, u tha Erdogan gazetarëve në Argjentinë.
Ai tha se sauditët refuzuan të ndihmonin hetuesit turq që kërkonin informacion rreth trupit të Khashogi, si dhe në identitetet e atyre që supozohet se ndihmuan në vrasje.
Erdogan tha se ai nuk dëshiron të dëmtojë familjen mbretërore, por kritikoi Princi Mohammed bin Selman, duke thënë se ai ka bërë një “shpjegim të pabesueshëm” për vrasjen e Khashoggi dhe mohoi akuzat e ndonjë përfshirjeje të Riadit zyrtar në vrasje.
Erdogan gjithashtu deklaroi se vrasja e një gazetari saudit nuk është vetëm një çështje e Turqisë, por e gjithë botës. /tesheshi.com/
