Shqipja ka futur në siklet politikën maqedonase, duke i detyruar disa figura të saj që të pësojnë metamorfozë në sjelljen e tyre karshi saj.
Më konkretisht, deputetit maqedonas i VMRO-së së Gruevskit, Ilija Dimovski, ka zgjedhur të flasë në shqip në një komunikim privat me kolegët, duke shtuar gjithashtu se partia e tij duhet të arrijë deri të çdo qytetar shqiptar. Ai shton se shqiptarët kanë fituar shumë nga VMRO-ja por se është prezantuar në opinion në mënyrë negative.
“Unë shpesh kam thënë se VMRO si parti duhet të mundohet të arrijë deri te çdo shqiptar, pasi nuk ka parti politike që ka bërë projekte konkrete për shqiptarët sa ka bërë VMRO-DPMNE, edhe pse është prezantuar në kuptim negativ. Do të mundohemi në çdo mënyrë që të arrijmë te secili qytetar”, tha Dimovski.
Sakaq, kujtojmë se para formimit të qeveria së re të paszgjedhjeve të 11 dhjetorit, VMRO-ja ku bën pjesë Ilija Dimovski dha mbështetje për iniciativën “Për Maqedoni të Bashkuar”, ku për dy muaj rresht u protestua kundër deklaratës së përbashkët të partive politike shqiptare që përfshinte ligjin për gjuhën shqipe. /tesheshi.com/
