“Verbëri emocionesh”: emri thotë shumë dhe nënkupton një patologji të rrallë, e njohur në gjuhën mjekësore si alexitimia. Nga kjo është prekur Caleb, një burrë i cili gjatë një interviste për BBC ka treguar se nuk ndjen asnjëherë emocione.
“Shpesh dëgjohen prindërit e rinj të tregojnë se si janë ndier kur kanë parë për herë të parë fëmijët e tyre të sapolindur. Unë nuk kam provuar asgjë prej gjëje”,- tregon Caleb.
Në të vërtetë, nuk kemi të bëjmë me një person që është ekstremisht cinik, apo me një njeri që nuk arrin të shprehë gjendjen e tij shpirtërore. Alexitimia është një gjendje që është njohur për herë të parë në vitin 1972, kur studiuesit hipotetizuan se problemi kryesor ishte me natyrë gjuhësore. Sipas mjekëve, personat e prekur nga kjo sëmundje kishin një problem me komunikimin mes hemisferës së djathtë dhe asaj të majtë në tru. Hemisfera e djathtë është përgjegjëse për ndjerien e emocioneve, ndërsa e majta, për gjuhën (të folurin). Ky ‘black out’ që ndodh në lidhjen mes këtyre të dyjave shkakton pamundësinë për provimin dhe shprehjen e ndjenjave.
Sa i takon rastit të Caleb, bëhet fjalë për një ‘shkëputje të vetëdijshme’. “Sa më të forta të jenë emocionet që duhet të provoj, aq më shumë ndikoj në mendimet e mia. Në të vërtetë jam gjithmonë shumë i pastër dhe i qartë nga pikëpamja analitike”,- thotë Caleb.
Shumë pak vend për ndjenjat, por të paktën kjo situatë e ka një avantazh” ai tregon se nuk ndien as trishtim, frikë apo ankth në asnjë rast. Çfarëdo lloj gjëje që t’i thonë mjekët, ai nuk reagon e nuk shpreh asnjë gjendje emocionale. Natyrisht që e njëjta gjë vlen edhe për emocionet pozitive: nuk ndihen aspak lumturi, gëzim, mallëngjim, por vetëm një gjendje të ftohtë.
Megjithatë, ka një mënyrë nëpërmjet së cilës emocionet arrijnë të shprehen nëpërmjet fizikut. Për çdo ndjenjë të pashprehur i korrespondon një ndryshim në trup, ndaj Caleb i është drejtuar një trapisti konjitiv- të sjelljes, i cili do t’i mësojë të kombinojë ndryshimit fizike me një gjendje shpirtërore dhe psikologjike./tesheshi.com/
