Takimi i një kryebashkiaku francez me një bashkëqytetar nuk shkoi mirë. Ai përfundoi duke vrapuar në rrugë për të shpëtuar veten.
Konkretisht, Pascal Houbron, kryetari 53-vjeçar i Bihorel në Francë, ra dakord të takohej me një qytetar 57-vjeçar. Ai e priti atë në shtëpinë e tij, pasi bashkia e qytetit ishte e mbyllur.
Por ky takim në dukje i zakonshëm u shndërrua në një makth. Në një moment, burri nxori një armë dhe filloi ta kërcënonte, shkruan France Bleu Normandie.
“Ai më mbajti nën kërcënimin e armës dhe nuk do të më linte të dilja nga shtëpia. Pas kësaj ai më bëri që të heq rrobat e mia dhe filloi të më fotografonte”, tha Houbron.
Megjithatë, ai arriti të kapë një moment pavëmendje të kërcënuesit dhe doli vërtik jashtë shtëpisë por plotësisht lakuriq.
“Unë vrapova lakuriq dhe thirra ndihmë, dhe një fqinj më ndihmoi duke më fshehur në garazhin tim,” tha ai më vonë.
Ai thirri policinë që arrestoi kërcënuesin.
Houbron u tha mediave lokale se ai e kishte njohur atë për 15 vjet.
“Ai më sugjeroi një projekt që unë refuzova për shkak të kundërshtimit të qytetarëve të tjerë,” tha ai, duke shtuar se ishte kërcënuar me vdekje më parë, por nuk është e njëjta gjë kur je nën tytën e armës.
Kjo ngjarje të kujton atë çfarë ndodhi pak kohë më parë me kryebashkiakun e Lushnjes, Fatos Tushe, i cili u plagos në zyrë nga ish-shoferi i tij, të cilin e kishte shkarkuar nga puna. /tesheshi.com/
