Stanley Omondi nga Kenia u regjistrua si grua dhe u shfaq i veshur me nikab për të marrë pjesë në një turne shahu.
Millicent Awour, emri i rremë i lojtarit Stanley Omondi, dominoi turneun, deri në momentin kur organizatorët kuptuan se nën nikab fshihej një burrë.
Omondi u përpoq të justifikohej se i duheshin urgjentisht paratë dhe tha se do të pranonte të gjitha pasojat e lëvizjes së tij.
Organizatorët thanë se ishte e dyshimtë që “lojtari” i ri po sfifonte këdo radhazi, përfshirë edhe disa lojtarë që janë shumë të mirë në këtë sport. Ata vunë re gjithashtu se kjo “grua” kishte veshur atlete të cilat i cilësuan si “burrash”, prandaj Omondi u kap përfundimisht.
Bernard Wanjala, presidenti i Federatës së Shahut të Kenias, njoftoi një pezullim shumëvjeçar për Omondin, por se ai do të ketë mundësinë që në të ardhmen t’i rikthehet shahut, shkruan BBC. /tesheshi.com/
