Premier League ka shtyrë ndeshjen mes Arsenalit dhe Manchester City, ka njoftuar klubi londinez.
Arsenal tha se pas lajmeve të djeshme që shefi i Olympiacos-it Evangelos Marinakis ka rezultuar i prekur me koronavirus, disa lojtarë që kanë qenë në kontakt me të janë testuar për një infektim të mundshëm.
Klubi londinez tha se ekzistonte pak mundësi që lojtarët të merrnin koronavirus, por klubi mori masa paraprake dhe i vendosi lojtarët në izolim për 14 ditë, duke i bërë ata të padisponueshëm për ndeshjen me City-n.
Lojtarët do të qëndrojnë në shtëpi për 14 ditë në kushte karantine. Gjithashtu, katër përfaqësues të Arsenalit që u ulën pranë Marinakis gjatë ndeshjes, do të qëndrojnë në shtëpi.
Topçinjtë u kërkuan falje tifozëve të tyre, veçanërisht atyre që duhej të ishin në Manchester sonte. /tesheshi.com/
