Policia islandeze zbuloi më në fund se cili është vrasësi i shqiptarit Armando Beqiraj, ndodhur në pragun e shtëpisë së viktimës më 13 shkurt në kryeqytetin Rekjavik.
Ai është shqiptari tjetër, Angjelin Stërkaj.
Sipas policisë islandeze, që të dy ishin të lidhur me krimin e organizuar, por në konflikt me njëri-tjetrin.
Ndërkohë, Angjelin Stërkaj nuk është një emër i panjohur edhe për policinë shqiptare. Ai është shpallur në kërkim për vjedhje me dhunë. Ai ndodhej në Islandë prej rreth 7 vitesh.
Angjelin Stërkaj u arrestua tre ditë pas vrasjes së Armando Beqirit, por që mohonte se kishte lidhje me ekzekutimin e tij. Në fund, hetimet dhe të dhënat e policisë zbuluan se vrasja ishte kryer pikërisht nga Stërkaj.
Armando Beqiri jetonte prej vitesh në Islandë dhe ishte pronar i një kompanie sigurie fizike. 33 vjeçari nga Tepelena la pas gruan e tij shtatzënë dhe një djalë të vogël, të cilët ishin në shtëpi kur u qëllua. /tesheshi.com/
