Organizata Botërore e Shëndetit (OBSH) tha se raporti që Covid-19 u shfaq në fund të vitit të kaluar në Francë më herët sesa mendohej më parë nuk ishte “befasues” dhe u bëri thirrje vendeve të hetojnë çdo rast të dyshuar të hershëm, raportoi Reuters.
Sëmundja, e quajtur më vonë Covid-19, u raportua për herë të parë nga autoritetet kineze në OBSH më 31 dhjetor, dhe më parë nuk besohej se ishte përhapur në Evropë deri në janar.
“Kjo jep një pamje krejt të re të gjithçkaje,” tha zëdhënësi i OBSH Christian Lindmeier në një konferencë të KB në Gjenevë, duke iu referuar raporteve franceze.
“Gjetjet ndihmojnë për të kuptuar më mirë përhapjen e mundshme të një lloji të ri të koronavirusit”, tha ai, duke shtuar se “është e mundur të zbulohet shfaqja e rasteve të mëparshme shtesë” pas rivendosjes së mostrave.
Një spital francez që ka provuar mostrat e vjetra të pacientëve me pneumoni ka zbuluar se po trajtonte një njeri që kishte Covid-19 qysh më 27 dhjetor, gati një muaj para se qeveria franceze të konfirmonte rastet e saj të para.
Një pamje e re dhe më e qartë e epidemisë
Lindmeier inkurajoi shtetet e tjera që të kontrollonin të dhënat për rastet e pneumonisë me origjinë të papërcaktuar në fund të vitit 2019, duke thënë se do t’i jepte botës një “pamje të re dhe më të qartë të epidemisë”.
I pyetur në lidhje me origjinën e virusit në Kinë, Lindmeier theksoi se ishte “vërtet vërtet e rëndësishme” për ta hetuar atë.
Sekretari i Shtetit Mike Pompeo pretendon se vendi i tij ka “prova” se virus e ka origjinën nga një laborator në Wuhan, megjithëse shkencëtarët thonë se vjen nga kafshët.
“Për shkak të kësaj, mund të kërkohen misione shtesë ose një mision (në Kinë),” tha Lindmeier.
Eksperti kryesor Mike Ryan tha të hënën se udhëheqësi i organizatës e kishte ngritur çështjen “në nivelin më të lartë” gjatë misionit të OBSH në Kinë. /tesheshi.com/
