Ministrja e Drejtësisë Etilda Gjonaj sulmoi ashpër gjyqtarën e Krujës Enkelieda Hoxha, nga verdiktet e së cilës janë liruar kontigjentë krimi, siç flitet së fundi për të dënuarin me burgim të përjetshëm Indrit Dokle, një prej famëkeqëve të bandës së Durrësit.
“Lirimi i të dënuarve me burgim të përjetshëm është një këmbanë alarmi për procesin ku ndodhet drejtësia. Ndihem e keqardhur për këtë vendim edhe pse shqetësimin e kam shprehur institutocionalisht para se të bëhej duke kërkuar verifikim të menjëhershëm. Shqetësimi ynë për gjyqtaren Enkeleda Hoxha është përçuar në 8 janar 2018 pas lirimit të Genc Tafilit.
I jam drejtuar KLD-së duke ndeshur heshtje dhe papërgjegjshmëri. Është kryer një verifikim i vendimit të gjyqtares dhe fakteve publike.
Nisur nga analiza e detajuar, rezulton se gjyqtarja ka marrë vendim në kundërshtim të hapur me kriteret e lirimit me kush dhe kodit penal. Edhe pse Ministria e Drejtësisë nuk ka kompetenca në sistemin e drejtësisë, ndjejmë detyrimin për t’i adresuar aktorëve të tjerë për të vepruar në interes të qytetarëve.
Në datën 15 janar i jam drejtuar KLGJ për pezullimin e saj dhe marrjen e masave për shkarkimin e saj nga detyra e gjyqtarit.
I kam kërkuar prokurorisë ndjekjen penale të gjyqtares për parandalimin e veprimeve të tilla. I jam drejtuar KPK dhe OMN për ndjekjen e rastit. Ndër vite ndaj kësaj gjyqtareje ndaj të cilës rëndojë denoncime për shkelje të ligjit dhe korrupsion, tha Gjonaj.
Qeveria po ndihet nën efekt boomerang nga fakti se ndërsa përbetohet se po lufton krimin e po reformon drejtësinë, nga burgjet po dalin shumë emra të bujshëm të botës së kroiminalitetit.
E ndërsa vihet re në deklaratën e Gjonajt, ajo ia adreson përgjegjësinë e mosmarrjes së masave për gjykatësen Hoxha pikërisht KLD (Këshillit të Lartë të Drejtësisë), i cili kryesohet nga presidenti Meta. Këtë instancë, Gjonaj e konsideron si të papërgjegjshme. /tesheshi.com/
