Kuvendi i Kosovës ka miratuar rekomandimet e dy partive në pushtet, PDK-së dhe LDK-së, të paraqitura në fund të seancës së jashtëzakonshme për rastin “Dehari”, me një shumicë të thjeshtë votash prej 49 deputetësh dhe me abstenimin e 13 deputetëve në sallë.
Në rekomandimet e paraqitura nga mazhoranca që përmbajnë tri pika, thuhet se “rasti i vdekjes së Astrit Deharit duhet të zbardhet në mënyrë të drejtë dhe transparente”, që ky rast “të mos lejohet të politizohet” dhe “nëse familja kërkon hetim të vdekjes së Astrit Deharit jashtë vendit, atëherë Qeveria e Kosovës duhet t’ia mundësojë këtë duke hequr edhe shpenzimet”.
Ndërsa rezoluta e paraqitur nga partitë opozitare e cilësua si një kërkesë e organizatave jo-qeveritare që kanë organizuar edhe një peticion të dorëzuar në Kuvendin e Kosovës, pak ditë më parë, nuk kaloi.
Kjo rezolutë, parashihte “hetim të pavarur dhe transparent për rastin ‘Dehari’, dorëheqjen e dy ministrave, atij të Punëve te Brendshme dhe të Drejtësisë, si dhe përgjegjësi nga zyrtarët që dështuan të garantojnë siguri në burgun e Prizrenit”.
Seanca e jashtëzakonshme edhe pse e thirrur për vdekjen e Astritit, u përshkruar me akuza dhe kundër akuza ndërmjet deputetëve të partive në pushtet dhe opozitë. /tesheshi.com/
