Ambasada amerikane në Tiranë ka dalë në mbështetje të policisë shqiptare sa i përket rastit “Balili”.
Me anë të një deklarate, selia diplomatike amerikane në Tiranë ka përgënjeshtruar atë çka është thënë nga CNN grek se zyrtarë të policisë shqiptare u janë shprehur homologëve të tyre grekë përgjatë operacionit se Balili gëzon mbështeje politike në Shqipëri.
Sipas ambasadës, policia shqiptare ka qenë e angazhuar në operacion dhe zyrtarë të saj nuk kanë përmendur kurrë diçka të tillë.
Siç dihet, në operacionin gjigand që kanë vënë nën hetim një linjë të trafikut ndërkombëtar të drogës ku përflitet se është i përfshirë dhe Klemend Balili, ish-drejtori i Drejtorisë së Transporteve në Sarandë, emëruar aty nga LSI-ja, janë të angazhuar dhe amerikanët e DEA-s. /tesheshi.com/
