Dy javë më parë, Ramush Haradinaj bëri të ditur se ka një ftesë për të marrë pjesë në ceremoninë e inagurimit të Presidentit Donald Trump në Uashington.
Por mbrëmë ai është ndaluar nga policia franceze me një shkresë të Inteprolit si pasojë e një kërkese të Serbisë.
Para dy javësh, një tjetër politikan ballkanik, president i Republika Srbska, Milorad Dodik deklaroi se kishte një ftesë për të marrë pjesë në ceremoninë e inagurimit të Donald Trump.
Ambasada amerikane në Sarajevë nuk i dha vizë.
Këto janë rastësitë e para.
Një vit më parë, pikërisht në qershor, ishte koha kur Ramush Haradinaj u bë partizani dhe mbështetësi i kauzës së anti-Demarkacionit. Pra kundërshtoi kufirin me Malin e Zi, duke mbajtur pezull një problem kufijsh në Ballkan.
Kjo është kundërshtuar si nga SHBA ashtu edhe nga BE, madje kanë mbajtur peng edhe procesin e liberalizimit të vizave. Personi me kundërshtues që nuk pranon negociata për Demarkacionin është Ramush Haradinaj, duke pasur edhe përfaqësimin direkt e banorëve të Rrafshit të Dukagjinit, nga i merr gjithmonë votat dhe prej nga e ka origjinën.
Ramushi ka thënë në intervista se malësorët e Dukagjinit nuk i japin korijet e “Bjeshkëve të Nëmura” deri në vdekje.
Menjëherë sapo u hap çështja e Demarkacionit, policia sllovene, një shtet i Bashkimit Europian e arrrestoi Haradinajn si pasojë e një kërkese të Serbisë e para vitit 1997.
Pas lirimit u tha se Serbia do tí fshinte këto kërkesa që kanë penalizuar edhe Hashim Thaçin apo Agim Çekun.
Por ja sot pas një viti e gjysmë, sërish Ramushi u arrestua në Francë. Dhe në një ditë me themelimin e Gjykatës Speciale për Kosovën.
Deri tani ka shumë paqartësira për arrestimin e mbrëmshëm. AAK ka thënë se lirohet sot në ora 13.00, por që nuk ka asnjë konfirmim nga avokati i tij anglez, Ben Emmerson QC.
Avokati i tij shqiptar, Arianit Koçi deklaroi se Haradinaj do të dalë sot para një gjykate në Francë.
“Ramush Haradinaj, sot do të paraqitet para zyrës së Prokurorit të Përgjithshëm, të Gjykatës së Apelit në Colmar.
Me këtë rast, dhoma hetuese e kësaj gjykate, do ta shqyrtojë kërkesën e Serbisë për ekstradim.
Franca është një prej shtetëve që më së shumti e ka mbështetur Kosovën në rrugën drejt lirisë, dhe i njeh shumë mirë rrethanat gjatē dhe pas luftës në Kosovē.
Prandaj, kērkesa për ekstradim do tē refuzohet dhe z. Haradinaj pritet të lirohet gjatë ditës së sotme”, shkruan Koçi në Facebook, por deri tani është hipotezë.
Ndaj dhe ndalimi i Ramushit me nisjen e punës së Gjykatës Speciale është njëra nga ato rastësitë që e kanë shoqëruar kreun e AAK-së dhe ish-kryeministrin, e që gjithashtu e kanë penguar sa herë i është afruar një aleance për të hyrë në qeveri, siç dhe flitej se do të bënte marrëveshje me PDK-në në zgjedhjet e ardhshme. /teshehshi.com/
