Çdo ditë mban veshur një maskë për të dalë nga shtëpia. Ajo e Ciena Rae Nelson, një aktore 22-vjeçare angleze, nuk është një maskë e vërtetë, por çdo ditë bën aq shumë tualet, sa të mjaftojë për të mbuluar shenjat e psoriazës.
Kjo sëmundje, e cila shkakton shenja të kuqe në lëkurë, nuk është vetëm një shqetësim fizik, por edhe psikologjik, pasi e vështirëson pranimin nga ana e shoqërisë dhe personave që e njohin pacientin apo pacienten e sëmurë. Vajza ka bërë disa fotografi në të cilat është e tualetosur dhe disa të tjerat ku shfaqet në mënyrë natyrale. Këto foto i ka postuar në Instagram: “Shumë persona shikojnë personin në të majtë pa vënë re se çfarë shenjash ka poshtë tualetit, pa parë se çfarë ka poshtë kësaj maske”, – shkruan ajo.
Në realitet, Ciena vuan nga srtriti psoriastik, një formë mes psoriazës dhe artopatisë, e cila jep shenja si fryrje, enjte dhe dhimbje të forta në nivelin e artitit. “Është një sëmundje e padukshme, pasi disa herë është edhe psoriazis. Jo gjithmonë është kaq keq sa duket tani, pasi ka edhe herë të tjera kur gjendja është më e tmerrshme”, – shkruan e reja.
Mirëpo, vajza nuk dorëzohet dhe ka vendosur t’ju tregojë të gjithëve për sëmundjen e saj, në mënyrë që të ndihmojë ata që vuajnë të njëjtin fat dhe t’i shtyjë që të reagojnë. /tesheshi.com/
